Պոնչիկ, կակաո և գիրք

www.mynews.am

Պոնչիկ, կակաո և գիրք

Վերջին մի քանի օրերին «Գրանդ Քենդի» պոնչիկանոցում գիրք, դասախոսություններ կարդալիս ինձ չեն ընդհատում և չեն խնդրում դրանք թաքցնել: Մինչդեռ, մի քանի տարի առաջ, երբ պոնչիկ ուտելիս կամ կակաո խմելիս նաև փորձում էի որևէ բան կարդալ, մատուցողները միշտ մոտենում էին և խնդրում էին դադարեցնել:

Թեպետ ես չէի հարցնում նրանց պատճառը, բայց ենթադրում էի, որ պոնչիկանոցում միշտ հերթ է գոյանում, իսկ գիրք կարդալը կարող էր երկար տևել:

Ամեն դեպքում գիրք կարդալիս ընթերցնությունը չթույլատրելու ցանկացած փորձ հաճելի չէ, անկախ նրանից այդ հաստատությունը  պոնչիկանոց է, գրադարան է, թե այլ վայր: Դրանից հետո ես խուսափում էի որևէ գիրք կարդալ պոնչիկանոցում: Բայց, հուրախություն ինձ` վերջին շրջանում նկատեցի, որ մատուցողները չեն խոչընդոտում ինձ գիրք կարդալու ընթացքում:

Գուցե՞ սա պայմանավորված է «Երևանը 2012-ին գրքի համաշխարհային մայրաքաղաք» ճանաչվելու փաստով...գուցե...